الماتىدا وقۋشىلارعا 71 اۆتوبۋس ساتىپ الۋعا 1 ملرد تەڭگەگە جۋىق قارجى ءبولىندى. بۇل تۋرالى الماتى وبلىسىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.
– الماتى وبلىسىندا مەكتەبى جوق 69 شالعاي جاتقان ەلدى مەكەننەن وقۋشىلار تاسىمالداۋ ءۇشىن 71 جاڭا زاماناۋي اۆتوبۋس ساتىپ الىنۋدا. بيىلعى جىلى بۇل ماقساتقا وبلىستىق بيۋدجەتتەن 940,6 ملن تەڭگە ءبولىندى. بۇل تۋرالى بۇگىن الماتى وبلىسىنىڭ اكىمى اماندىق باتالوۆ بريفينگ بارىسىندا ايتتى, – دەپ حابارلايدى وبلىس اكىمىنىڭ ءباسپاسوز قىزمەتى.
بۇگىنگى كۇنى جوسپارلانعان اۆتوبۋستاردىڭ 61-ءى ساتىپ الىندى. اتاپ ايتقاندا, 5-ەۋى اقسۋ اۋدانىنا, 10-ى - ەڭبەكشىقازاق, 5 - جامبىل, 11 - ىلە, 11 - قاراساي, 6 - كەگەن, 2 - رايىمبەك, 10 – تالعار اۋداندارى مەن 1-ەۋى تالدىقورعان قالاسىنا ساتىپ الىندى. قالعان 10 اۆتوبۋس تامىز ايىنىڭ سوڭىنا دەيىن الىنادى.
– بالالاردى تاسىمالداۋعا وزىق ۇلگىدەگى, ورىندىقتارى جايلى, ىشىندە كامەراسى ورناتىلعان, ناعىز زاماناۋي اۆتوبۋستاردى ساتىپ الدىق. ولاردىڭ سىرتىن بىركەلكى تۇسكەن بوياتىپ, ارنايى لوگوتيپ سالعىزدىق. ەندى بۇل جاڭا اۆتوبۋستار بالالاردىڭ يگىلىگىنە قىزمەت ەتەتىن بولادى, – دەدى ا. باتالوۆ.